Poljakinja Iga Sfjontek je danas odbranila titulu na Rolan Garosu nakon što je savladala Karolinu Muhovu – 6:2, 5:7 i 6:4.
Sfjontek je tako stigla do četvrte grend slem titule u karijeri, treće na Rolan Garosu gdje je slavila još 2020. i 2022.
Ima i pehar na US openu prošle godine.
Igino iskustvo igranja velikih mečeva došlo je do izražaja u prvom setu – povela je 3:0 i potom lako sačuvala stečenu prednost.
Činilo se da ćemo isti scenario vidjeti i u drugoj dionici, ali je Muhova proigrala kod 0:3, napravila preokret i sa 7:5 izjednačila u meču.
Čehinja je potom bila blizu senzacije, u dva navrata dolazila je do brejka viška, ali je Sfjontek na kraju bila koncentrisanija i sigurnija za novi veliki uspjeh u karijeri.
Sjutra je finale u muškom singlu, sastaju se Novak Đoković i Kasper Rud (15 sati).