Dejan Zlatičanin poražen je od Luisa Ritsona u meču za rejting, u superlakoj kategoriji.
Britanac je pred svojim navijačima u Njukaslu slavio jednoglasnom odlukom sudija nakon 10 rundi.
Osim u prvoj rundi, u kojoj je popularni Dinamit bio bolji, Ritson je u nastavku koristio činjenicu da je viši 15 centimetara od našeg borca.
Forsirao je borbu na distanci, dok je Dejan pokušavao da priđe i uglavnom krošeima pogađao rivala.
Međutim, Ritson je uspio da iskontroliše borbu do kraja i pobjedi.
Za nekadašnjeg WBC šampiona svijeta ovo je četvrti poraz u karijeri u kojoj ima i 24 pobjede.
Ritson je sa druge strane slavio 23. put, uz dvije izgubljene borbe.