Crna Gora je jedna od rijetkih zemalja članica Ujedinjenih nacija koja je uspjela da smanji emisiju ugljen dioksida, kazao je koordinator UN-a u našoj zemlji Piter Lundberg.
Lundeberg je napomenuo da je Crna Gora jedna od najmlađih i jedna od veoma aktivnih članica UN-a.
“Za male države UN su bitan angažman, jer mi svima dajemo priliku da iskažu svoj stavi. Vi ste sada puno aktivni, vi ste sada članica Savjeta za ljudska prava, to je jako bitna pozicija, ali i potpisnica Pariškog sporazuma. Crna Gora je jedna od rijetkih zemalja koja je uspjela da smanji emisiju ugljen dioksida i to pokazuje napore i želju da bude aktivna članica”, kazao je koordinator UN-a.
Istakao je da Crna Gora i UN imaju strateško partnerstvo.
“Potpisali smo petogodišnji angažman kojim smo se obavezali da radimo kako bismo unaprijedili Crnu Goru”, poručio je Lundeberg.