Kandidatkinja na lokalnim izborima koji se krajem oktobra održavaju u Kolumbiji ubijena je s još pet osoba na jugozapadu zemlje, saopštile su vlasti.

Foto: Tanjug / El Pais de Cali via AP

Oklopno vozilo u kojem su bili Karina Garsija, kandidatkinja za gradonačelnicu Suareza, i njeni saputnici, bilo je u nedjelju uveče “na meti napada oružjem dugog dometa”, a zatim zapaljeno, rekao je za AFP Žair Rosi, pripadnik Narodne odbrane.

To udruženja za zaštitu prava je na Tviteru osudilo “pokolj” u kojem su, uz kandidatkinju Liberalne stranke, ubijeni njena majka, kandidat za gradsku skupštinu i još tri osobe čiji identitet nije otkriven.

Karina Garsija je već ranije primala prijetnje koje je Narodna odbrana evidentirala.

Područje na kojem je ubijena je pogođeno nasiljem povezanim s krijumčarenjem droge i s ilegalnim rudarenjem, dodaje Rosi.

Vladin visoki povjerenik za mir Miguel Sebaljos optužio je za napad vođu disidentske grupe bivše gerile FARC-a (Kolumbijske revolucionarne oružane snage) koja djeluje na tom području, ratnim imenom “Mayimbu”.

“Vjerujemo da je on odgovoran za taj gnusni zločin jer je ovo područje pod njegovim uticajem”, rekao je Sebaljos.

Napad se dogodio nekoliko dana pošto su neki bivši zapovednici gerilske grupe objavili na YouTube snimak u kojem najavljuju povratak oružanoj borbi jer vlada nije ispunila svoje ugovorne obveze.

Oko 13.000 pripadnika FARC-a, među kojima 7.000 boraca, položilo je oružje nakon potpisivanja mirovnog ugovora 2016. s kolumbijskom vladom koja im je zauzvrat zajamčila amnestiju za većinu članova, privremenu finansijsku pomoć i mogućnost da ta grupa postane zakonita politička stranka.

guest
0 Komentara
Inline Feedbacks
Pregedaj sve