Odlične vijesti za navijače Budućnosti iz Ljubljane. Igokea je u gostima pobijedila Cedevitu Olimpiju 85:78, u 14. kolu ABA lige.
Sastav iz Laktaša nanio je četvrti poraz u sezoni direktnom rivalu prvaka Crne Gore u borbi za vrh tabele.
Nakon što je u prethodna dva kola uz dosta sreće savladala Megu i Cibonu, Cedevita Olimpija danas je poražena.
Meč je prelomljen u posljednjoj četvrtini u kojoj je Igokea stekla ključnu prednost.
Blistao je iskusni Sava Lešić sa 27 poena i osam skokova, dok je 15 dodao Grin.
U domaćoj ekipi 22 poena Milera Mekintajera, 19 je dodao Blažić.
Cedevita Olimpija sada ima pobjedu manje od Budućnost i Partizana i nalazi se na trećem mjestu tabele.