Totenhem je teškom mukom savladao Luton na svom terenu 2:1 i nastavio borbu sa Aston Vilom za četvrto mjesto koje vodi u Ligu šampiona.
Gosti su poveli već u trećem minutu preko Čonga, koji je bio precizan sa sedam-osam metara iskosa sa lijeve strane.
U nastavku je Totenhem žestoko napadao i tu inicijativu naplatio.
Domaćin je izjednačio autogolom Kaborea u 51. minutu, da bi tri boda Sparsima donio Son pogotkom u 85. minutu, preciznim udarcem sa desetak metara.
Čelsi je još jednom razočarao, nakon što je igrao samo 2:2 sa Barnlijem. “Plavcima” nije pomoglo ni to što su imali igrača više od 40. minuta (isključen Asinjon).
Uz to su dva puta vodili, oba puta pogodio Palmer. Prvo iz penala , a potom sa 10-11 metara, nakon divne akcije cijelog tima. Gosti do boda stigli pogocima Kulena i OŠeja.