Liverpul za vikend čeka gradski derbi protiv Evertona.
Anćelotijeva ekipa fenomenalno je otvorila sezonu, dok je Liverpul doživio nedavno debakl.
Ekipa Jirgena Klopa izgubila je od Aston Vile čak 7:2.
Klop nije mogao nakon meča da razgovara sa igračima, pošto je većina imala reprezentativne obaveze.
Novinarima je otkrio da im je poslao poruku.
“Noć nakon te utakmice nije bila najbolja noć za mene, ustao sam ujutro i znao da moram pričati sa momcima, ali oni nijesu bili ovdje. Tako da sam im poslao dugu poruku koja je sumirala moje misli nakon takvog poraza i osjećao sam se puno bolje. Znao sam da možemo nastaviti dalje. Sada smo ovdje, prošlo je neko vrijeme od tada, nikada ne želiš izgubiti, pogotovo 7:2, ali moramo pokazati da takav poraz nekada može biti koristan. Imamo šansu to pokazati protiv Evertona jer igramo protiv ekipe koja leti, dok smo mi uzdrmani”, rekao je Klop.