Naše košarkašice ostale su bez četvrtfinala Evropskog prvenstva B divizije do 16 godina.
Crna Gora je u posljednjem kolu grupne faze izgubila od Bugarske 70:64, pa je na kraju ostala bez pozicije koja vodi u četvrtfinale uprkos tome što je ostvarila dvije pobjede.
U trouglu sa Bugarskom i Turskom naša selekcija bila je najgora, na kraju su presudila samo dva poena.
Veliku šansu propustile su naše cure koje su napravile veliki povratak u posljednjoj četvrtini.
Bugarska je vodila praktično čtiav meč, imala na poluvremenu plus 7, a u posljednji period ušla sa 12 poena viška.
Tada je uslijedio najbolji period u igri našeg tima. Od 54:65 stigle su Crnogorke na 64:65 80 sekundi prije kraja. Imali smo i pokušaj za preokret, ali ga nijesmo pogodili.
Kostova je zatim uvećala razliku na tri poena, a onda nakon nekoliko promašaja našeg tima Manolova na sedam sekundi prije kraja uz dodatno bacanje donijela Bugarkama šest razlike i drugo mjesto.
Naše cure su treće i razigravaće za plasman od 9. do 16. mjesta.
Jelena Bulajić ubacila je 25 poena uz deset skokova, Atina Radović je uz 14 poena imala 10 uhvaćenih lopti. Ljube Andrić je ubacila deset poena.