Košarkaši Budućnosti Voli lako su izašli na kraj sa Slaskom u “Morači” 103:89 i upisali drugu pobjedu u Evrokupu.
Odlično su “plavi” otvorili utakmicu i stekli 11 poena viška 19:8, ali su gosti reagovali nakon toga i smanjil na 21:20.
Budućnost je na velikiodmor otišla sa plus šest 50:44 , da bi Slask na startu nastavka još jednom zaprijetio 58:56.
Međutim, to nije pokolebalo Budućnost, naprotiv. Naša ekipa se brzo odlijepila na plus 15 i potom mirno privela utakmicu.
Kolbi Ros je predvodio Budućnost sa 19 poena i šest asistencija, Džakori Vilijams je dodao 18 poena i 11 skokova, Mekinli Rajt i Petar Popović upisali su po 13, a Joan Makundu i Andrija Grbović po 12.
Budućnost će u petak od 20 sati dočekati Cibonu u ABA ligi, dok će pet dana kasnije gostovati Klužu u Evrokupu.