Neuralink, kompanija Elon-a Musk-a, koja se bavi eksperimentalnim testovima i istraživanjima između mozga i računara konačno je otvorila prijavu za svoje prvo istraživanje na ljudima. Brain-Computer Interface (BCI) je tehnologija koja uspostavlja direktnu vezu između ljudskog mozga i računara. Ova objava stiže skoro godinu dana nakon poslednjeg “Show and Tell“ događaja. Musk je prošle godine u decembru najavio početak ispitivanja za šest mjeseci. Prije samo mjesec dana rivalska kompanija Synchron se pojavila na tržištu.
PRIME studija
Prema objavi kompanije, PRIME studija “ima za cilj da procijeni sigurnost implanta (N1) i robotskog hirurga (R1). Potrebno je ocijeniti početnu funkcionalnost BCI-a koji omogućuje osobama sa paralizom da kontrolišu spoljne uređaje svojim mislima.” Stoga se ova studija odnosni “na osobe koje imaju kvadriplegiju zbog povrede vratne kičme ili lateralne amiotrofičke skleroze (ALS)”. Takođe, Elon Musk je sugerisao da će BCI imati šire i revolucionarne primjene izvan medicinske sfere. On je naveo oblasti kao što su obrazovanje, virtualna stvarnost i upravljanje tehnologijom putem moždanih aktivnosti.
Neuralink radi na N1 sistemu od 2017. godine
BCI uređaji funkcionišu kao most između ljudskog uma i mašina, pretvarajući analogni električni signal našeg mozga u digitalne signale koje mašine razumeju. N1 sistem Neuralink-a koristi visokofrekventni Utah niz sondi tankih kao vlasi, koje se za razliku od Stentroda kompanije Synchron, moraju instalirati putem robotske hirurške operacije, Tu operaciju izvodi Neuralink-ov R1 robot.
Ovaj niz tankih sondi će biti postavljen na motorički korteks pacijenta gdje će bilježiti i bežično prenositi električne impulse koje proizvodi ovaj region do povezane aplikacije koja će ih pretvarati u komande na računaru. “Početni cilj našeg BCI-a je da ljudima omogući da kontrolišu kursor ili tastaturu računara samo svojim mislima”, navodi kompanija.
Neuralink radi na N1 sistemu od 2017. godine. Neuralink je jedna od prvih kompanija u industriji koja je javno počela da razvija komercijalni BCI. Međutim, prošle godine su napori kompanije zaustavljeni. Kompanija je bila opravdano optužena da je izazvala nepotrebno patnju i smrt desetina životinja koje su služile za testiranje. To je zatim dovelo do istraživanja od strane USDA zbog optužbi za zlostavljanje životinja. Nakon toga je FDA odbila zahtjev kompanije za ubrzano ispitivanje na ljudima. PRIME studija se sprovodi pod okriljem dozvole za istraživački uređaj (IDE), koju je FDA dodjelila Neuralink-u u maju ove godine.