Legendarni italijanski trener Fabio Kapelo savjetovao je svog zemljaka Masimilijana Alegrija da ide u Mančester junajted, a ne u Bajern iz Minhena.
Bajern je prije dva dana ostao bez trenera kada je Niko Kovač dobio otkaz, a sada se pominje da bi na njegovo mjesto mogao doći upravo Alegri.
“Alegri bi dobro odgovarao Bajernu, ali ne znam koliko su Italijani dobrodošli u Njemačkoj nakon Anćelotija koji je tamo bio jako malo. Engleska je dosta uzbudljivija, a Premieršip je takmičenje koje vas upotpuni kao trenera. Da sam Alegri otišao bih u Mančester junajted”, rekao je Kapelo.
Alegri je prethodnih godina trenirao Juventus, ali je na kraju prošle sezone dobio otkaz, pa trenutno traži novi angažman.