U metežu poslije fudbalske utakmice u Indoneziji stradalo je 174 ljudi, javile su danas vlasti, navodeći da je većina stradalih pregažena kada je policija ispalila suzavac da rasturi nerede.
Neredi su izbili sinoć na kraju utakmice kada je domaćin klub Arema iz grada Malanga iz Istočne Jave izgubio od kluba Persebaja iz Surabaje 3:2.
🇮🇩 | URGENTE: Al menos 127 muertos y cerca de 200 heridos enfrentamientos en Indonesia en la que se considera la peor tragedia en un estadio de fútbol de la historia. pic.twitter.com/MYllmOnmlq
— Alerta News 24 (@AlertaNews24) October 2, 2022
Navijači poražene Persebaje su odmah upali na teren nakon čega je reagovala policija koja je ubacila suzavac.
To je izazvalo stampedo koji je prouzrokovao slučajeve gušenja kako je objasnio šef policije na ostrvu Java gdje se meč odigrao.
BREAKING: At least 127 people killed, 180 injured in riot at football stadium in Indonesia, police say pic.twitter.com/WmuI67yJoi
— BNO News (@BNONews) October 1, 2022
Na snimcima se mogu vidjeti navijači u crvenom i plavom kako ulaze u sukob sa policijom na stadionu. Pripadnici snaga koji su bili zaduženi za utakmicu obučeni su za razbijanje nereda i demonstracija.
Mogu se vidjeti i vreće sa leševima, velika količina dima.
Stagion Kandžuharan, na kojem je odigrana utakmica, prima oko 42.500 ljudi za potrebe fudbalskih mečeva.
Fudbalski savez Indonezije (PSSI) otkazao je sve mečeve koji je trebalo da se odigraju sljedeće nedjelje, a Aremi FC je zabranjeno održavanje utakmica na domaćem terenu do kraja sezone.