Letjelica “Pejper” srušila se danas u jugozapadnom dijelu Nemačke, pri čemu je troje ljudi poginulo.
Avion je pao na šumsko područje u pokrajini Baden-Virtenberg, a poletio je sa aerodroma u Štutgartu rano jutros, prenose njemački mediji.
Prema podacima kontrole leta, avion je prevozio tri putnika, koji su poginuli prilikom pada. Kako su naveli portparoli kontrole leta, pilot nije tražio pomoć, niti aktivirao protokol prije pada.
Pripadnici službi za vanredne situacije trenutno se nalaze na terenu i pokušavaju da izvuku tijela iz ruševina aviona. Policija je saopštila da je crna kutija pronađena nedaleko od mjesta nesreće, te da će okolnosti pada letjelice biti ispitane u najkraćem roku.