Pucnjava u Oregonu, najmanje tri osobe ubijene

Incident se dogodio oko 19 časova po lokalnom vremenu u gradiću Bend, piše ABC.

Osumnjičeni napadač je među poginulima, rečeno je iz lokalne policije.

Policajci vjeruju da je naoružani osumnjičeni najpre pucao na parkingu i u pravcu jedne radnje, a tom prilikom nije bilo povrijeđenih.

Nakon toga, on je ušao u supermarket i blizu ulaza ustrijelio najmanje jednu osobu, koja je prebačena u lokalnu bolnicu i tamo proglašena mrtvom, rečeno je u policiji.

Osumnjičeni je potom nastavio, ubivši najmanje još jednu osobu. Kada je policija stigla na lice mjesta pronašli su treću osobu, za koju se vjeruje da je napadač, mrtvu u radnji.

Istraga incidenta je u toku.