Nakon što su u prvih pet zajedničkih utakmica doživjeli čak četiri poraza, stvari su polako počele da dolaze na svoje mjesto. Predvođen Dončićem i Irvingom, koji su zajedno ubacili 82 poena, Dalas je savladao Filadelfiju 133:126.
Luka i Kajri su u prvom poluvremnu zajedno ubacili 45 poena, šutirali 16 od 24 iz igre i bili nezaustavljivi za Sikserse. Serijom 10:2 na početku drugog poluvremena, Dalas je otišao na dvocifrenu prednost, potom ekspresno stigao do čak 25 poena prednosti, ali se to vođstvo na početku četvrtog kvartala istopilo na samo četiri razlike. Ipak, Dončić i Irving su nastavili da terorišu odbranu Siksersa i Dalas je opet stekao 16 razlike nekoliko minuta prije kraja.
Slovenac je ubacio 42 poena uz 12 asistencija, šutirajući iz igre 13/22 uz sedam trojki. Irving je bio još bolji u šutu. Iz igre je imao 15/22 a za tri poena 6/8. Ukupno je ubacio 40 poena uz četiri skoka i šest asistencija. Na drugoj strani je Embid ubacio 35 poena, a Harden 27.
NBA:
Dalas – FIladelfija 133:126
/Dončić 42 – Embid 35/
Vašington – Toronto 119:108
/Kuzma 30 – Anunobi 26/
San Antonio – Indijana 110:99
/Sočan 22 – Hild 27/
Golden Stejt – Los Anđeles Klipers 115:91
/Pul 34 – Lenard 21/