Amerikanci su opravdali ulogu favorita u meču sa Brazilom, slavili 89:73 i otpisali ekipu Aleksandra Petrovića iz borbe za visok plasman na Svjetskom prvenstvu.
Dobro se držala selekcija iz Južne Amerike u prvom dijelu, zaostajala samo četiri poena na poluvremenu (43:39), ali u nastavku nije imala šanse protiv jednog od glavnih favorita za zlato.
Razigrali su se u nastavku izabranici Grega Popovića i došli do sigurne i ubjedljive pobjede.
Amerikance su sa po 16 poena predvodili Kemba Voker i Majls Tarner.
Sa druge strane 21 poen Benitea, po 14 Barbose i Varežaa.
Sjedinjene Američke Države će u četvrtfinalu u srijedu igrati protiv Francuske, koja je danas izgubila od Australije.
U jednom od najboljih mečeva od početka Mundobasketa, Australija je pobijedila Francusku 100:98 i poslala “trikolore” na SAD već u četvrtfinalu.
Sjajan meč u kojem su obje selekcije imali svoje šanse na kraju je pripao Australiji.
U finišu su prelomili utakmicu boljim izvođenjem slobodnih bacanja i došli do trijumfa i prilike da preko Češke dođu do borbe za medalju.
Peti Mils postigao je 30, Džo Ingles dodao je 23, a Eron Bejns 21 poen.
U francuskoj selekciji 31 poen Furnijea, 26 De Koloa, 13 Batuma.
U doigravanju od 17. do 32. mjesta u uzbudljivom meču Novi Zeland je savladao Tursku 102:101 dok je Njemačka bila bolja od Kanade 82:76.