Mornar je angažovao nova dva pojačanja za predstojeću sezonu.
Plejmejker Dvajt Marej junior (23) novi je član ekipe iz Bara.
Posljednje tri sezone nastupao je u NCAA ligi za Rajder Bronks, a minule sezone imao je učinak 15,7 poena, pet skokova i tri asistencije po utakmici.
U tim Rajdera stigao je iz Incarnejt Vord Kardinalse za koji je igrao dvije sezone. Barani će biti jači i na poziciji centra – Makol Mavijen (27) stigao je iz bugarskog Černomoreca. Nosio je još dres ukrajinskog Zaporožja i kratko je bio član kosovskog Rakovecija. U Evropi je igrao još za bugarski Levski i finsku Kipina Basket. Dvije godine igrao je u NCAA ligi za Kanzas stejt.