Inter je savladao Romu na “Olimpiku” 4:2, u derbiju 23. kola Serije A.
“Neroazuri” su tako napravili još jedan važan korak ka titulu, jer sada imaju sedam bodova više od drugoplasiranog Juventusa, koji u ponedjeljak dočekuje Udineze.
Dva preokreta su viđena u Rimu. Inter je poveo u 17. minutu preko Aćerbija, ali su do kraja tog dijela igre Manćini i El Šaravi pogodili za vođstvo Rome.
Nije to pokolebalo izabranike Simonea Inzagija, naprotiv. Već nakon 10 minuta igre Inter je vodio 3:2, uz dva gola Tirama.
Francuz je prvo pogodio na pas Darmijana, a onda nakon ubacivanja sa lijeve strane.
“Poker” u mreži “vučice” kompletirao je Bastoni u nadoknadi vremena.
Roma je tako prekinula niz od tri pobjede od dolaska Danijelea de Rosija i nalazi se na petom mjestu sa 38 bodova.