Sudski savjet Crne Gore na danas održanoj sjednici raspisao je novi javni oglas za izbor predsjednika Vrhovhog suda.
Podsjećamo, sutkinja Vesna Vučković na jučerašnjoj sjednici Sudskog savjeta nije izabrana za predsjednicu Vrhovnog suda. Za njenu kandidaturu glasalo je troje, a šestoro je bilo protiv.
“Na šesnaestoj sjednici Sudskog savjeta, održanoj elektronskim putem, Savjet je donio odluku o raspisivanju novog javnog oglasa za izbor predsjednika Vrhovnog suda Crne Gore, nakon što na jučerašnjem nastavku XIII sjednice nije donijeta odluka o izboru predsjednika Vrhovnog suda Crne Gore, jer kandidat nije dobio Ustavom propisanu većinu, odnosno 2/3 glasova članova Sudskog savjeta”, naveli su iz Sudskog savjeta.