Dva planinara iz Srbije poginuli su juče na planini Lebršnik. Njih su, nakon nekoliko sati pretrage, pronašli pripadnici Gorske službe spašavanja Republike Srpske Foča.
“Na poziv 121 RUCZ i MUP-RS-a dobijamo informaciju o nestanku dvije osobe iz Srbije. Oni su bili smješteni u Hotelu Mladost NP Sutjeska i planirali su uspon na Lebršnik. U 17 sati pronalazimo tijela nastradalih planinara na 1700 metara nadmorske visine koja su se otisnula oko 200 metara niz stijene”, naveli su na FB stranici Gorske službe.
Čitav slučaj preuzela je Crna Gora, jer se nesreća dogodila na dijelu planine koji pripada teritoriji naše države.
Nije poznato kako je došlo do ove tragedije.