Fudbaleri Aston Vile pobijedili su danas na svom terenu Kristal Palas sa 2:0, u utakmici 35. kola Premijer lige i ostali u trci za opstankom u ligi.
Kristal Palas je prvi postigao gol u osmom minutu, ali je pogodak Mamadua Saka poništen nakon što je poslije upotrebe VAR tehnologije procijenjeno da je igrao rukom.
Oba gola na utakmici postigao je Trezege, u četvrtom minutu nadoknade prvog poluvremena i u 59. minutu.
Aston Vila je prekinula niz loših rezultata i posle tek osme pobjede u prvenstvu popela se na 18. mjesto ispred pretposljednjeg Bornmuta i prva je u zoni ispadanja sa 30 bodova. Četiri boda više ima Votford, koji je prvi u sigurnoj zoni.
Kristal Palas je pretrpio 15. poraz i 14. je na tabeli sa 42 boda.