Rahim Sterling izbačen je iz reprezentacije Engleske za meč sa Crnom Gorom u četvrtak nakon sukoba sa Džoom Gomezom.
Par, koji igra za Mančester siti i Liverpul, imao je razmirice vezane za nedjeljni derbi u Premijer ligi, gdje su “redsi” slavili sa 3:1.
Morali su ih razdvajali šokirani saigrači nakon fizičke konfrontancije u ponedjeljak, a sve je pokrenula prepirka oko prethodnog dana.
Ubrzo su Garet Sautgejt i FA izdali izjavu potvrdivši da je Sterling izbačen.
“Nažalost, emocije oko nedjeljne utakmice su još bile svježe. Odlučili smo da ne uvrstimo Rahima za meč sa Crnom Gorom.”
“Daily Mail” piše da je Sterling agresivno reagovao nakon što ga je Gomez toplo dočekao u kantini. Gomez je prišao Sterlingu iza leđa i nagao se da mu pruži ruku. Ali, ostao je šokiran kada ga je Sterling pokušao uhvatiti za vrat. Ostatak selekcije bio je prisutan i na prvu su pomislili da je riječ o šali. Međutim, uskoro su ih morali razdvajati.
Neki izvori tvrde da je Sterlingovo ponašanje podstaknulo ismijavanje na društvenim mrežama nakon što se pojavio klip u kojem je Gomez bio jači u duelu.
Šta god bilo, Sterling se navodno kasnije izvinio Gomezu, što je prihvaćeno i cijela frka je završena.