Košarkaši SC Derbija savladali su u “Morači” ekipu Zadra 88:75 (17:18, 24:21, 26:17, 21:19 ) u drugom kolu regionalne ABA lige.
Zadrani su mnogo bolje ušlu u utakmicu i već sredinom prve četvrtine napravili 12 poena prednosti (16:4), ali su “Studenti” serijom 13:0 uspjeli da preokrenu do kraja uvodne dionice.
U drugoj četvrtini viđena je izjednačena i efikasna igra pod oba koša uz dosta preokreta, a Podgoričani su na odmor otišli sa dva poena prednosti (41:39).
Mnogo bolja igra domaće ekipe viđena je u trećem periodu u kojem su od samog početka stvorili dvocifrenu prednost koja je pred kraj četvrtine iznosila i 13 poena (67:54).
Gosti su početkom posljednje četvrtine serijom 10:0 uspjeli da priđu na -3 (67:64), ali su u tom trenutki stali pa je ostatak meča protekao u dominaciji izabranika Andreja Žakelja koji su rutinski priveli meč kraju.
“Studente” su do druge pobjede u ligi predvodili Zoran Vučeljić sa 13 poena i pet skokova, poen manje upisao je Kenan Kamenjaš uz 12 skokova i tri asistencije. Dvocifreni su bili i Vasilije Baćovoć, Luka Bogavac i Borna Kapusta sa po 11 koševa.
U ekipi Zadra dabl-dabl učinak imao je Luka Božić sa 26 poena i 11 skokova uz četiri asistencije.
SC Derbi će u narednom kolu gostovati Igokei u Laktašima, dok će Zadar, kome je ovo bio drugi poraz, dočekati Mornar.
“Studente” su do druge pobjede u ligi predvodili Zoran Vučeljić sa 13 poena i pet skokova, poen manje upisao je Kenan Kamenjaš uz 12 skokova i tri asistencije. Dvocifreni su bili i Vasilije Baćovoć, Luka Bogavac i Borna Kapusta sa po 11 koševa.
U ekipi Zadra dabl-dabl učinak imao je Luka Božić sa 26 poena i 11 skokova uz četiri asistencije.
SC Derbi će u narednom kolu gostovati Igokei u Laktašima, dok će Zadar, kome je ovo bio drugi poraz, dočekati Mornar.