Poslije remija u Bilbau, trener Barselone Ronald Kuman govorio je o uticaju Lea Mesija na igru kluba sa ”Nou Kampa”.
Katalonci su odigrali 1:1 u Baskiji, a bod im je donio Memfis Depaj 15 minuta prije kraja.
– Ne volim o tome da govorim, ali ovdje je riječ o najboljem fudbaleru na svijetu. Protivnik je u većem strahu kad je Mesi na terenu. Ako Leu predate loptu, on je obično ne gubi. Može se vidjeti da više nije ovdje. Svjesni smo toga, ali to ne može da se promijeni, rekao je Kuman.
Mesi je prije desetak dana iz Barselone prešao u Pari Sen Žermen.
”Blaugrana” nakon dva kola u novoj sezoni u La Ligi ima četiri boda.