Opština Kolašin postavila je bilbord u znak zahvalnosti košarkašu Marku Simonoviću koji je karijeru započeo u rodnom gradu u klubu ”Gorštak”.
Crnogorski reprezentativac je ljetos iz Mege otišao u NBA ligu i kao 44 pik u drugoj rundi drafta prešao u Čikago Buls gdje igra s Nikolom Vučevićem.
Simonović je košarku počeo da trenira u KK Gorštak, u kojem je proveo sedam sezona, a opština Kolašin mu se željela zahvaliti postavljanjem bilborda sa natpisom: ”Gorštačka snaga od Kolašina do Čikaga, Marko hvala ti!”
Bilbord je postavljen u gradskom centru, između Spomen doma i hotela Bjanka.