Košarkaši Denvera pobijedili su u zanimljivoj završnici Portland 106:105.
Nikola Jokić pogodio je ključna slobodna bacanja, pa je Lilard samo mogao da smanji rezultat u posljednjem napadu.
Jokić je bio najefikasniji na parketu sa 25 poena, devet skokova i pet asistencija.
Doprinos trijumfu “nagetsa” dali su i Majkl Porter sa 17 i Vil Barton sa 14 poena.
U ekipi Portlanda 22 poena Lilarda, 17 Pauela.
Denver je četvrti na Zapadu sa učinkom 38-20, Portland je dvije pozicije slabije plasiran (32-26).
Luka Dončić bio je na ivici tripl-dabla u pobjedi Dalasa nad Detroitom, 127:117.
Slovenački reprezentativac postigao je 30 poena, uz 10 skokova i devet asistencija.
Pratili su ga Branson sa 20 i Porzingis sa 19 koševa.
Sa druge strane 26 poena Grenta, 24 Džozefa.
Juta je rutinski slavila u Hjustonu, 112:89.
Klarkson sa 22 i Ingles sa poenom manje predvodili su vodeći tim lige.
U sastavu iz Tekasa 21 poen Vola.
Rezultati:
Indijana – Oklahoma 122:116
Filadelfija – Finiks 113:116
Toronto – Bruklin 114:103
Vašington – Golden Stejt 118:114
Hjuston – Juta 89:112
Njujork – Atlanta 137:127
Dalas – Detroit 127:117
San Antonio – Majami 87:107
L.A. Klipers – Memfis 117:105
Portland – Denver 105:106
Sakramento – Minesota 128:125