Gonsalo Viljar je zimus stigao u Romu iz Elćea, a imao je zanimljiv doček od igrača sa prostora bivše Jugoslavije Aleksandra Kolarova i Edina Džeka.
Italijanskim medijima ispričao je anegdotu iz trening centra “vučice”.
“Ne znam koliko ću igrača imati na mojoj strani, ali kada sam vidio da su uz mene Edin Džeko i Aleksandar Kolarov, bio sam oduševljen, pošto sam do prije tri godine mogao samo da ih gledam iz moje spavaće sobe. Bio sam iznenađen atmosferom u svlačionici Rome. Prvog dana kada sam došao, potpisao ugovor i otišao u trening centar. Prišao mi je Kolarov, koji je znao malo španskog, kako bi me pozdravio: ‘Gonza, koliko imaš godina? 21? Ja imam 35, tako da ću za tebe biti gospodin Kolarov!’ Zahvaljujem se svima na dobrodošlici, a posebno Karlesu Peresu”, rekao je Viljar.