BS Bar: Nastavljen kontinuitet podrške našoj politici

Bošnjačka stranka je na lokalnim izborima u Baru zabilježila, sa osvojenih skoro 900 glasova, blagi rast u odnosu na prethodne lokalne izbore i osvojila jedan mandat u Skupštini Opštine Bar.

“Ovim rezultatom smo zadržali približno isti procenat u odnosu na prethodne parlamentarne izbore, što pokazuje kontinuitet podrške našoj politici. To je odličan rezultat ako imamo u vidu da su u izbornoj kampanji skoro svi učesnici izbora zloupotrebljavali lokalne i državne resurse. Isto tako, napravljena je konfuzija sa promjenom biračkih mjesta glasačima koji nisu mijenjali prebivalište, što je dodatno uticalo na zbunjivanje naših glasača i manju izlaznost u odnosu na prethodne izbore. Nakon utvrđivanja konačnih rezultata izbora, detaljinije ćemo analizirati rezultate i odrediti se o daljim koracima u odnosu na naš izborni program i programske principe Bošnjačke stranke”, navodi BS.