Vlada Šri Lanke privremeno je danas blokirala pristup društvenim mrežama kako bi spriječila širenje dezinformacija o seriji napada na crkve i hotele u zemlji.
“Vlada je odlučila da blokira sve platforme i društvene mreže kako bi spriječila širenje pogrešnih i netačnih informacija. Ta mjera je privremena”, navodi se u saopštenju.
Šri Lanku je danas pogodila serija eksplozija, a broj žrtava raste iz sata u sat.
Eksplozije su se dogodile u crkvama gdje su vjernici obilježavali Uskrs, kao i u luksuznim hotelima u glavnom gradu i okolini.
U zemlji su poslije eksplozija otkazane sve proslave Uskrsa.