Ubijena novinarka u Meksiku

Meksička novinarka Norma Sarabija ubijena je na jugoistoku države i tako postala šesta žrtva od početka ove godine, prenijeli su lokalni mediji

Meksička novinarka Norma Sarabija ubijena je na jugoistoku države i tako postala šesta žrtva od početka ove godine, prenijeli su lokalni mediji.

foto: Ilustracija

Na Sarabiju su, prema prvim informacijama, napadači pucali s motora u pokretu u blizini njene kuće u gradu Imangilo, a potom su pobjegli s lica mjesta.

Ubijena novinarka je 15 godina radila za list “Tabasko oj”, a od prije nekog vremena i za druge lokalne medije, prenosi N1.

Meksiko je treća najopasnija zemlja u svijetu za novinare, poslije Sirije i Avganistana, i u toj državi je, prema navodima Reportera bez granica, od 2000. godine ubijeno više od 100 novinara.

Samo prošle godine je širom Meksika ubijeno deset novinara, a mnogi slučajevi su ostali neriješeni.

Komentari

avatar