Ruski predsjednik Vladimir Putin čestitao je danas 70. rođendan kineskom predsjedniku Si Đinpingu.
Putin je u čestitki pohvalio napore kineskog lidera na jačanju sveobuhvatnog partnerstva i strateške saradnje između Moskve i Pekinga, objavljeno je na sajtu Kremlja.
“Teško je precijeniti napore koje godinama ulažete za jačanje sveobuhvatnog partnerstva i strateške saradnje između naših zemalja. Radujem se nastavku našeg konstruktivnog dijaloga i bliskog zajedničkog rada na aktuelnim pitanjima bilateralne, regionalne i međunarodne agende za dobrobit naroda Rusije i Kine”, naveo je Putin u čestitki, a prenio je TASS.