Najboljaq crnogorska teniserka Danka Kovinić ostvarila je pobjedu u prvom meču po povratku na teren nakon skoro dva mjeseca pauze zbog povrede.
Kovinić je u prvom kolu čelendžera u rumunskom Jašiju savladala argentinsku teniserku Juliju Rijeru sa 2:0 u setovima – 6:3, 6:4.
Naša teniserka je odlično počela meč i u prvom setu napravila dva brejka, povela 5:1 i ekspresno riješila taj dio igre.
U drugom setu je bilo nešto više neizvjesnosti, ali je on, a time i meč, odlučen u petom gemu kada je Kovinić oduzela servis protivnici.
Kovinić je zbog povrede propustila Vimbldon. Na terenu je posljednji put bila u maju kada je Čehinji Noskovoj predala meč prvog kola Rolan Garosa.