Napoli i Milan brzo čekaju dvije velike bitke u Ligi šampiona, ali ona ligaška je apsolutno pripala “rosonerima”.
Napolitanci igraju sezonu iz snova, idu ka Skudetu, ali na sve su bacili sjenku večerašnjim debaklom – Milan je na stadionu “Dijego Maradona” slavio čak 4:0.
Leao je u 17. minutu donio prednost velikanu, a u 25. se upisao i Dias, asistent kod prvog gola.
Očekivala se reakcija “azura”, ali je Milan nastavio da dominira, pa je u nastavku postigao još dva pogotka.
Leao je još jednim golom stavio tačku na pobjedu, a potom je mrežu zatresao i Salemakers.
Milan je tako preuzeo treće mjesto na tabeli, a Napoli sada ima 16 bodova više od drugoplasiranog Lacija.