Iako Denver gubi sa 3:1 u seriji sa Jutom, Nikola Jokić vjeruje da “nagetsi” mogu da preokrenu i prođu dalje.
Prethodne večeri Juta je u tijesnom meču slavila i došla na trijumf do plasmana u sljedeću rundu.
“Pokazali smo bolju igru nego u protekle dvije utakmice. Potrebno je nastavimo tako, da damo sebi priliku da dobijemo utakmicu. Bili smo blizu toga, dva ili tri šuta su napravili razliku. Nadam se da možemo da ponovimo sličnu igru i da budemo bolji za dva dana”, rekao je Jokić i dodao:
“Slično je bilo prošle godine, tada smo gubili 2:1, ali sve je još tu. Ima razlike, mi nismo dobili prije toga San Antonio deset godina, a onda smo uspjeli da ih pobijedimo. Ne možemo da razmišljamo u stilu trebaju nam još tri utakmice, već meč po meč. Ova koja nam slijedi za dva dana biće najvažnija za nas.”