Poslije velike pobjede nad Čelsijem trener Dinama Ante Čačić nije krio zadovoljstvo.
Zagrepčani su na premijeri Lige šampiona savladali tim iz Londona sa 1:0, pred svojim navijačima.
“Ovo je istorijska pobjeda. Pobijedili smo moćni Čelsi. Čestittao bih mojim igračima, ostali su koncentrisani 90 minuta. Mislim da danas nismo imali ni jednu slabu tačku u ekipi i na terenu“, rekao je Čačić.
Strijelac gola odluke Mislav Oršić zahvalio se navijačima.
“Atmosfera je bila fantastična. Znali smo da će biti teško, da ćemo biti u situaciji da se konstantno branimo i da tražimo svoje šanse iz kontra napada. Bili smo snažni i kompaktni u posljednjoj liniji, a Livaković je takođe imao dvije ili tri sjajne odbrane. Danas su svi dali doprinos ovoj pobjedi“, rekao je Oršić.