Fudbaleri Bajerna iz Minhena pobijedili su večeras na svom terenu Union Berlin sa 3:0, u utakmici 22. kola Bundeslige.
Bajern je poveo u 31. minutu golom koji je postigao Erik Maksim Čupo Moting, a prednost je udvostručio Kingsli Koman u 40. minutu.
Konačan rezultat postavio je Džamal Musijala pogotkom u prvom minutu nadoknade prvog poluvremena.
Bajern ima 13 pobjeda i 46 bodova na prvom mjestu na tabeli, koliko ima i drugoplasirana Borusija iz Dortmunda.
Union Berlin je u posljednje dvije utakmice osvojio samo bod, pa je pao na treće mjesto na tabeli sa 43 boda.
Četvrtoplasirani Lajpcig ima 42, a bod manje Frajburg na petom mjestu.
Ranije danas Frajburg je na svom terenu odigrao neriješeno 1:1 protiv Bajera iz Leverkuzena.