Rijana je dobila počasnu titulu nacionalnog heroja nakon što je Barbados postao republika. Time je prestao biti britanska kolonija na čijem je čelu zvanično bila kraljica Elizabeta Druga.
Ceremonija je održana u Rijaninom rodnom gradu Bridžtaunu, a počasnu titulu joj je dodijelila premijerka Barbadosa Mia Motli.
”Nastavi da sijaš poput dijamanta i donesi čast svom narodu”, kazala je Motli referirajući se na Rijaninu pesmu „Diamonds“ iz 2012.
Pjevačica je postala druga žena u istoriji Barbadosa koja je dobila titulu nacionalnog heroja. Njena prethodnica je bila religijska liderka Sara An Gil, koja je preminula 1866.
Rijana je karijeru napravila u SAD, ali je rođena na Barbadosu gdje je i odrasla. Ambasadorka svoje zemlje je od septembra 2018.