Odmah nakon meča protiv Krke, košarkaši Cedevita Olimpije otišli su u samoizolaciju jer je jedan član kluba iz Ljubljane pozitivan na koronavirus.
“Odradili smo dva testa po povratku iz Pariza i utakmice sa Nanterom. Prvi nalazi su bili negativni. Ponovili smo testiranja pred meč sa Krkom, jer nas već u srijedu očekuje duel sa Bursom u drugom kolu Evrokupa. Stigla je informacija da je jedan rezultat pozitivan, odmah poslije meča smo kompletnu ekipu proslijedili u izolaciju. Niko od igrača, niti od članova tima nema nikakve simptome. U stalnom smo kontaktu sa nadležnim institucijama u Sloveniji, a već smo o svemu obavijestili i čelnike Evrokupa”, rekao je direktor kluba Davor Užbinec.
Cedevita Olimpija savladala je Krku 77:69 na premijeri nove sezone u ABA ligi.