Trener Zete Dejan Roganović kazao je da je njegov tim protiv Budućnosti odigrao najbolju utakmicu u sezoni.
Golubovčani su pred svojom publikom savladali lidera sa 2:1.
“Presjekao nas je pogodak koji smo primili iz naše greške. Međutim, reakcija je bila pozitivna, zbog čega moji momci zaslužuju čestitke. Može se reći i da smo iskoristili smjenu kolege Branka Brnovića jer je Budućnost prethodno bila u naletu. Ovo je naša najbolja partija od početka sezone. Sebi smo dokazali da možemo protiv timova koji se bore za titulu”, rekao je Roganović.
Zeta je na četvrtom mjestu sa 21 bodom iz 14 utakmica.