Lokalne vlasti proglasile su danas kraj erupcije vuklana Kumbre Vijeha na španskom ostrvu La Palma poslije tri mjeseca intenzivne aktivnosti.
„Erupcija, koja je počela 19. septembra, trajala je 85 dana i 18 sati. Naučni komitet saopštava da je erupcija završena“, izjavio je lokalni zvaničnik.
Prethodna erupcija vulkana Kumbre Vijeha bila je prije 50 godina.
Nije bilo žrtava, ali je izazvana šteta kao i evakuacija nekoliko hiljada ljudi, od kojih je nekima lava uništila domove.