Ženska seniorska reprezentacija Crne Gore nakon preokreta poražena je rezultatom 3:1 od Bosne i Hercegovine u drugom kolu turnira ,,Croatia cup 2019”.
Našoj reprezentaciji nije bilo dovoljno vođstvo iz 43. minuta golom Nađe Stanović, jer je protivnik u nastavku došao do preokreta.
Pogotke za BiH postigle su Mejrema Medić i Alma Kamerić, dvostruki strijelac.
“U prvom poluvremenu dali smo priliku igračicama koje su u prethodnom periodu manje dobijale šansu. One su se dobro snašle i taj dio igre smo korektno odigrali. U drugom poluvremenu smo pali, mada moram reći i da su protivnice odigrale mnogo bolje u nastavku. I dalje najviše problema imamo u fazi odbrane, pa nam je prioritet da do početka kvalifikacija popravimo taj segment. Generalno, nijesmo nezadovoljni prikazanim na današnjoj utakmici”, istakao je selektor Mirko Marić.