Kompanija Microsoft nije tek u skorijoj budućnosti počela kupovati velike kompanije poput ZeniMaxa i Bethesda, već je taj apetit imala i decenijama ranije.
U jednom momentu, tokom 2000. godine, Microsoft je pokušao da kupi japanskog giganta Nintendo. Očigledno, to im nije pošlo za rukom, ali taj razgovor nije prošao kao većina ostalih, piše play.co
Bob MekBrin je za Bloomberg govorio o ranim pokušajima kompanije Microsoft da se proširi u gejming industriji, gdje je otkrio da je postojalo dosta pokušaja.
Electronic Arts je dobio ponudu koju je odbio prostim “Ne, hvala”, dok su čelnici Nintenda potpuno drugačije reagovali.
Kako se navodi u članku, predstavnici japanske kompanije su se “ubili od smijeha” kada su čuli da Microsoft želi da ih kupi. MekBrin navodi da to nije slatki smijeh, već da je ismijavanje ponude trajalo cijelih sat vremena tokom sastanka.
Suma sa kojom je Microsoft tada prišao je nepoznanica, ali je Nintendo ponudu na takav način odbio iz drugih razloga, prije svega zbog uspjeha koji je ostvarivao i velikih planova, dok je Microsoft tada tek počinjao biznis sa velikim igrama.
Jedini studio koji je prije 20 godina kompanija iz Redmonda uspjela da kupi je sadašnji Bungie, sa kojim je nastao kultni Halo serijal.