Košarkaši Golden Stejta nadomak su plasmana u veliko finale NBA lige.
U trećem meču borbe za pobjednika Zapadne konferencije Voriorsi su savladali Dalas sa 109:100 i poveli sa 3-0 u seriji.
Podsjećamo, nijedan tim u finalnim mečevima konferencije nije preokrenuo rezultat poslije 0-3 u seriji.
Stef Kari je bio najbolji igrač u pobjedničkom timu sa 31 poenom. Imao je i 11 asistencija i pet skokova.
Sjajan je bio i Endrju Vigins sa 27 poena i 11 uhvaćenih lopti, dok je Klej Tompson stao na 19 pogodaka (3/10 za tri).
Luka Dončić je bio najefikasniji igrač meča sa 40 poena (11/23 iz igre), a imao je i po 11 skokova i asistencija.
Spenser Dinvidi je ubacio 26, a Džejlen Branson 20.