Manekenke koje tvrde da su prisustvovale raskalašnim žurkama sa Donaldom Trampom, na kojem su se točile litre alkohola i mnogo kokaina, prvi put su progovorile u medijima o seksualno neprimjerenom ponašanju prvog čovjeka SAD.
Jedna od njih rekla je za “BBC Panoramu” da se osjećala kao “komad mesa na stočnoj pijaci”, dok je druga opisala zabave koje su se održavala devedesetih godina kao “hranjenje požude” sredovječnih muškaraca.
One tvrde da je Tramp, koji je tada imao oko 40 godina, bio domaćin i da je prisustvovao svim zabavama, na kojima su bile mlade djevojke, neke od svega 14 ili 15 godina.
Barbara Pilling rekla je britanskom mediju da joj je bilo 17 godina kada ju je modna agencija čiji je bila član poslala na žurku.
– Pitao me je koliko imam godina. Rekla sam 17 godina. “Odlično, nisi prestara i nisi previše mlada. To je sjajno”. Osjećala sam se kao da sam u prisustvu ajkula spremnih da me ugrizu. Osjećala sam se kao da treba da pobjegnem odatle. Sećam se da mu je jedna od konobarica ponudila piće. Nije uzeo piće, ali ju je udario po zadnjici. Bila je plavuša. On je bio jako glasan. Šalio se u stilu “ne brini, to nije tvoj bakšiš” – ispričala je ona.
izvor: Blic