Iranski državni mediji navode da je britanski ambasador u Iranu Robert Maker napustio zemlju nakon što je ranije nakratko bio uhapšen u Teheranu.

Zapaljena lutka britanskog ambasadora i britanska zastava u Teheranu (Foto: Abedin Taherkenareh/EPA-EFE)

Iranska državna novinska agencija IRNA piše da je Maker obavijestio da će otići.

Maker je zadržan nakon bdenja za žrtve tragedije srušenog ukrajinskog aviona. Bdenje se zatim pretvorilo u protest, a Maker je otišao, ali je zatim uhapšen.

On je kasnije negirao da je učestvovao u demonstracijama.

Kako je dodao u poruci, napisanoj na engleskom i na persijskom, napustio je to mjesto poslije pet minuta kada su neki počeli da uzvikuju slogane protiv vlasti.

Zamjenik iranskog ministra spoljnih poslova potvrdio je da su iranske vlasti na kratko privele britanskog ambasadora Roba Makera kao stranca osumnjičenog da je učestvovao u “nelegalnom skupu”, navodeći da je ambasador pušten ubrzo pošto je potvrđen njegov identitet.

guest
0 Komentara
Inline Feedbacks
Pregedaj sve