Petak, 29 Marta, 2024
Rubrika:

Zaslužio je bolji plasman na NBA draftu 2011. godine: Vučević je trebalo da bude šesti pik

Naš slavni centar, Ol-star zvijezda Orlando Medžika, je u junu 2011. bio izbor Filadelfija 76ersa kao 16. pik. Vrlo brzo se afirmisao, od druge sezone u NBA već bio glavni igrač Orlanda a sada je neprikosnoveni lider na terenu tima sa Floride

Nikola Vučević je zaslužio za deset mjesta bolji plasman na NBA draftu 2011. godine, po analizi te čuvene generacije košarkaša koji su istog ljeta stigli u najjaču ligu svijeta.

Vučević, Foto: Bleacherreport.com

Naš slavni centar, Ol-star zvijezda Orlando Medžika, je u junu 2011. bio izbor Filadelfija 76ersa kao 16. pik. Vrlo brzo se afirmisao, od druge sezone u NBA već bio glavni igrač Orlanda a sada je neprikosnoveni lider na terenu tima sa Floride.

Po analizi Bleacher Reporta, prvi pik čuvene generacije trebao je biti Kavaj Lenard, sada superstar Los Anđeles Klipersa i igrač koji je Torontu prošle godine donio prvu titulu. Tako đe NBA šampion sa San Antonijom, dva puta najbolji defanzivac lige 2011. bio je tek 15. pik na draftu. Pravo prvog izbora te godine imali su Klivlend Kavalirsi.

Drugi pik trebao je da bude Klej Tompson, jedan od najboljih šutera današnjice i trostruki NBA prvak sa Golden Stejt Voriorsima. Te godine izabran je sa tek 11. pozicije. Po novoj projekciji, bio bi izbor Minesote. Na trećem mjestu bio bi Kajri Irving, bek Bruklina, takođe bivši NBA prvak, kojeg je Klivlend birao sa prve pozicije prije devet godina. Birala bi ga Juta. Četvrti pik, ponovo Klivlenda bio bi bek Džimi Batler, sada velika zvijezda Majamija i jedan od najboljih bekova NBA kada je igra u oba pravca u pitanju. Interesantno, bio je tek 30. pik te godine… Umjesto njega, kao četvrtog pika Klivlend je birao centra Tristana Tompsona.

Peti pik, kao izbor Toronta, bio bi Kemba Voker, sada bek Bostona. Vokera je kao devetog pika birao Šarlot; peti pik te go dine bio je Litvanac Jonas Valančijunas.

I tu dolazimo do Vučevića koji je, po analizi Bleacher Reporta, zaslužio da bude makar šesti pik. U toj varijanti, birali bi ga Vašington Vizardsi tim koji već godinama ima velike probleme kvalitetne igre pod obručem! Umjesto njega, Vašington je, interesantno, takođe birao evropskog centra. U pitanju je Jan Veseli, Čeh koji je sada evroligaška zvijezda u Fenerbahčeu…

Bek Ajzea Tomas bi kao izbor Sakramenta bio sedmi pik, Litvanac Valančijunas osmi (završio bi u Detroitu), centar Tompson deveti (bio bi izbor Šarlota), a Tobajas Heris deseti pik (završio bi u Milvokiju).

Na kraju, valja se podsjetiti igrača koji su 2011. godine koji su izabrani prije Vučevića na draftu. Drugi pik bio je Derik Vilijams, sada košarkaš Fenerbahčea; treći Turčin Enes Kanter, sedmi centar Bizmak Bijombo, osmi plejmejker Brendon Najt, deseti bek Džimer Fredet, 12. šuter Alek Burks, 13. krilni centar Markif Moris, 14. krilo Markus Moris….

Za sve njih sa sigurnošću možemo reći, da je naš Nikola Vučević za klasu bolji košarkaš i ostvarenija zvijezda moderne košarke.

IzvorPobjeda

Najnovije

Najčitanije

Povezano

Komentari

Subscribe
Notify of

0 Komentara
Inline Feedbacks
Pregedaj sve