Košarkaši Orlando Medžika ostvarili su šestu pobjedu u nizu čime su zadržali dobre šanse za plasman u plej-of NBA lige.
Magični su nošeni našim asom Nikolom Vučevićem savladali Majami 104:99, a crnogorski centar postigao je 24 poena.
“Ovo je najvažniji period godine. Borimo se za mjesto u plej-ofu i šest pobjeda u nizu je zaista dobar rezultat. To nam daje veliku prednost. Moramo da nastavimo u ovom ritmu kako bismo se našli u doigravanju”, rekao ej Vučević nakon meča.
Majami je jedan od glavnih rivala Orlandu u borbi za plej-of. Hit se trenutno nalazi na devetoj poziciji sa 36-38, dok je Medžik osmi sa 37-38.
Orlando je prethodni put u plej-ofu igrao u prije sedam godina, u sezoni 2011/2012.