Menadžer Čelsija Tomasa Tuhel zadovoljan je karakterom koji je njegov tim pokazao u derbiju Premijer lige sa Mančester Sitijem.
Plavci su savladali novopečenog prvaka na Etihadu 2:1, poslije preokreta u nastavku meča.
– Na sjajan način smo odgovorili u drugom poluvremenu, pošto smo u finišu prvog bili jako blizu da izgubimo sve (Aguero promašio penal za 2:0), rekao je Tuhel i dodao:
– Gradili smo sampouzdanje iz minuta u minut u drugom dijelu. Nijednog trenutka nismo prestali da napadamo. Na kraju je došao gol kao velika nagrada za naš pristup. Nismo se predavali, pokazali smo karakter i pravi duh. Mi smo tim koji odbija da izgubi.
Gol odluke na Etihadu dao je Markos Alonso u 92. minutu.
Čelsi je dolaskom Tuhela napredovao do trećeg mjesta na tabeli sa 64 boda. Londonski klub uskoro čekaju finala Lige šampiona i FA kupa.