Štoper Juventusa Đorđo Kjelini je u ponedjeljak popodne razgovarao s mlađim članovima Juventusa na Alianc stadionu i odgovarao je na razna pitanja.

Foto: Juventus

Tako je neke zanimalo ko su najbolji igrači protiv kojih je ovaj stoper igrao, a odgovor je: “Osim Ronalda i Mesija, dvojice vanzemaljaca, uvijek naglasim i Zlatana Ibrahimovića. Bio je fizički dominantan, imao je tehniku, posebnost… Imao sam tu sreću da igram i s njim, ali i protiv njega”.

Onda je priznao da je, iako već 15 godina igra za Juve, najprije bio navijač rivala iz Milana.

“Nažalost, bio sam navjač Milana, ali sam s vremenom bio sve pametniji. Maldini je bio moj omiljeni igrač. Imao sam brata blizanca koji je navijao za Juve. Bio sam protiv njega, a zamislite kako je bio srećan kada sam potpisao za Juve. Zaljubio sam se u Juve čim sam došao ovdje, a sada je teško naći većeg navijača Juventusa od mene”, dodao je.

Majstor odbrane je mladima podijelio neke svoje tajne.

“Morate pronaći to zadovoljstvo u zaustavljanju protivnika. Emocije koje drugi pronađu u golovima, morate da ih osjetite dok zaustavljate protivničke napade. Ako pronađete te emocije onda možete postati sjajan defanzivac”.

Dvije igre koje nikada neće zaboraviti?

“Moj prvi meč jer će uvijek biti moj prvi. Bilo je protiv Mesine i pobijedili smo s 3:0 u oktobru 2005. godine, a druga je bila ona noć protiv Kaljiarija kada smo se borili za Skudeto. Bilo je to previše emocija i ta noć ostaje urezana u mom sjećanju”.

Kjelini je trenutno povrijeđen, a očekuje se da na terenima ponovo bude na proljeće 2020. godine.

Komentari

avatar