Mančester siti je dominantnom igrom na terenu gradskog rivala Junajteda pobijedio 2:0, u 11. kolu Premijer lige.
Naročito je impresivna ekipa Pepa Gvardiole bila u prvom dijelu tokom kojeg je golman “đavola” David De Hea sa nekoliko nevjerovatnih intervencija spriječio da već nakon 45 minuta gosti nemaju ogromnu prednost.
Autogolom Baija u sedmom minutu, kojem je prethodila upravo vrhunska reakcija španskog golmana, Siti je poveo.
Potom je uslijedila dominacija, ređale su se šanse pred golom “đavola”, ali se rezultat nije mijenjao do 45. minuta.
Tada je Kanselo pronašao Bernarda Silvu, koji je tim golom riješio utakmicu.
U nastavku je Siti rutinski odigrao i došao do trijumfa nakon kojeg će možda bez posla ostati menadžer domaćih Ole Gunar Solskjer.
Siti na drugom mjestu ima dva boda manje od Čelsija, koji će od 16 sati dočekati Barnli.
Junajted je na petom mjestu sa šest poena zaostatka za gradskim rivalom.